Golfferðir

Gaman Ferðir hafa skipulagt fjölmargar golfferðir fyrir einstaklinga og hópa og eru þessar golfferðir heldur betur að slá í gegn. Við getum útbúið sérstaka ferð fyrir þig og þína. Í boði eru ferðir til Alicante, London og Dublin. Hafðu endilega samband við okkur með því að senda tölvupóst á gaman@gaman.is ef þú hefur áhuga á því að skoða þetta betur og við setjum saman flotta ferð fyrir þig og þín.

 

Spánn - Haust 2017

Gaman Ferðir - Golfferðir
 

Melia Villaitana

Rétt upp af Benidorm, um 30 mínútur frá Alicante er hið stórglæsilega Melia Villaitana hótel en það er heimavöllur Gaman Ferða á Spáni. Við hótelið eru tveir mjög góðir golfvellir en þeir eru hannaðir af Jack Nicklaus.  Það er ansi stutt að fara frá herberginu á teiginn. Á hótelinu eru frábær herbergi með öllu. Boðið upp á einstaklingsherbergi, double-herbergi eða twin-herbergi, 42“ flatskjár er í öllum herbergjum, loftræstikerfi, WiFi, öryggishólf og minibar. Herbergin eru með mismunandi útsýni, út á Miðjarðarhafið, yfir golfvöllinn, sundlaugina eða hótelgarðinn. Á staðnum er líkamsrækt, heilsulind, nokkrir frábærir veitingastaðir og margar sundlaugar þ.a.m. strandarlaug. Hægt að fara í tennis á staðnum. Einnig er glæsileg SPA-aðstaða á svæðinu þar sem hægt er að kaupa sér dekur.
 
Það er frábært að vera með tvo flotta golfvelli við hótelið. Levante-völlurinn er par 72 völlur og Poniente-völlurinn er par 62 völlur. Þeir eru báðir hannaðir af Jack Nicklaus.  Levante-völlurinn er opinn, skemmtilegur og þægilegur völlur. Auðvelt er að ganga hann en auðvitað er hægt að panta bíla fyrirfram hjá okkur. Poniente-völlurinn er mjög góður völlur með eingöngu par 3 og 4 holum. Það er mikið landslag í honum sem gerir hann mjög áhugaverðan.  Stórkostlegt útsýni er af báðum völlunum yfir Benidorm og út yfir Miðjarðarhafið.
 
Golfsvæðið þarna er frábært og allt er gert af metnaði og til þæginda. Þarna er gott æfingasvæði þar sem hægt er að æfa báðum megin við það og tvær góðar púttflatir. Golfbúð er í golfskálanum og hægt að leigja golfbíl. Kerra fylgir á Levante-vellinum og bíll á Poniente-vellinum.
 

London - Haust 2017

Dale Hill Hotel & Golf Club
 
Marriott Tudor Park Hotel & Country Club
 
Marriott Lingfield Park Hotel & Country Club
 
*Allir þessir vellir eru í 15-35 mínútna akstursfjarlægð frá Gatwick-flugvelli en það er okkar flugvöllur í London.
 

Írland - Haust 2017

K-Club (The Kildare Hotel Spa & Country Club)
Frábært lúxushótel og tveir glæsilegir golfvellir hannaðir af Arnold Palmer. Báðir vellirnir þykja einstaklega góðir og staðurinn var nýlega valinn einn af 10 bestu í heiminum af CNN. Aðeins eru nokkur ár síðan að Ryder Cup var haldið þarna og því er nauðsynlegt fyrir alla golfara að prófa að spila þarna.
 
Portmarnock Hotel & Golf í Dublin
Aðeins í 15 mínútna fjarlægð frá flugvellinum í Dublin og 25 mínútur frá miðbænum liggur þessi glæsilegi golfvöllur ásamt mjög góðri gistingu. Þessi völlur er einn af þeim vinsælli í Írlandi og er skemmtilega krefjandi strandvöllur.