Yfirlit

 

Gardavatnið 

24. sept. - 2. október

Verð á mann er 189.900 kr. 

Aukagjald fyrir einbýli

Fararstjóri: Ágústa Sigrún Ágústsdóttir 

 
Fáir staðir á Ítalíu hafa notið jafn mikilla vinsælda og Gardavatnið, sem er talið eitt fegursta stöðuvatn landsins.  Náttúrufegurðin við Garda er engu lík og það er yndislegt að dvelja á þessum stað og allir koma endurnærðir til baka. Gaman Ferðir bjóða upp á átta nátta ferð í líflega bænum Garda. Í þessari ferð verður siglt til bæjarins Limone, ekið um Gardavatnið og stoppað í hinum ýmsu smábæjum. Boðið verður upp á að fara í dagsferð til Feneyja og Verona. Léttar gönguferðir og að sjálfsögðu er frjáls tími til þess að njóta lífsins og horfa á iðandi mannlífið í líflegum bænum Garda.
 
Þessi ferð er mjög vinsæl og selst fljótt upp!
 
 
Ágústa Sigrún Ágústsdóttir hefur mannauðsstjórnun að aðalstarfi en hefur bakgrunn úr listgreinum, er menntuð söngkona og söngkennari. Ágústa er með próf frá Leiðsöguskóla Íslands og hefur unnið við fararstjórn á Ítalíu, Króatíu og Slóveníu sem og við að leiðsegja ítölsku- og enskumælandi ferðamönnum um Ísland. Ágústa vinnur jafnhliða við markþálfun og keyrir rútu þegar þess þarf.
 
 

24. september

Flogið til Mílanó kl.07:00 -13:20. Við komu bíður okkar rúta sem ekur farþegum til Garda, þessi akstur tekur 2 klst með stuttu stoppi á leiðinni. 

 
 

25. september

Þessi dagur er tekinn með ró og eftir morgunverð er farið í vettvangskönnun og bærinn skoðaður og nánasta umhverfi gerð góð skil. 
 

26. september

Eftir morgunverð er farið í dásamlega siglingu til litla bæjarins Limone sem á sér merkilega sögu.  Þar er dvalið í 3 klukkustundir og kynnst ræktun sítrónunnar og einnig heimsækja farþegar litla og fræga matarolíu verksmiðju og gefst kostur á að smakka á framleiðslunni. Þessi ferð tekur 6-7 klukkustundir. 

 

27. september

Lagt af stað kl.10:00 og nú er ekið í kringum Gardavatnið og komið við í nokkrum smábæjum og litast er um og er þetta einstök ferð, þar sem náttúrufegurðin er engu lík.  Byrjað að stoppa í Malcesine, þá Riva, síðan Salo og svo þarf að ath hvað tíminn leyfir, en þetta er heils dags ferð. 

 

28. september

Frjáls dagur en boðið upp á létta göngu yfir í næsta bæ Bardolino, þar sem er mjög þekktur markaður og gott að versla og kennir ýmissa grasa.
 

29. september 

Farið verður til hinnar óviðjafnanlegu borgar Verona.  Fyrst er ekinn sveitavegur upp að stórmerkilegum stað í fjöllunum þar sem áheitakirkja hefur verið höggvin inn í fjallið... Sjón er sögu ríkari. Í Veróna er dvalið í 5-6 tíma og það markverðasta skoðað. Farið verður á slóðir Rómeó og Júlíu.  Einnig kynnumst Dante Aligheri skáldi. Við skoðum markverðustu leifar forn Rómverja og borgríkisins Veróna, sem var stórauðugt og síðan er gengið um í þessari glæsilegu miðborg með marmara göngugötum.
 

30. sept

Hvernig væri að skella sér fyrir þá sem þess óska, í heils dags ferð til Feneyja. Drottningin við Adríahafið er ein af þeim borgum, sem allir verða einhvern tímann að heimsækja, það er upplifun að sjá hina fölnuðu frægð einhvers mesta sjóveldis í heimi og sjá hallirnar, kirkjurnar, brýrnar, heyra söguna, upplifa Markúsartorgið, fara á Harry´s bar þar sem Hemingway vandi komur sínar.  Fara á gondól, kynnast kaupmanninum í Feneyjum o.fl. spennandi.  Þessi ferð er farin með þarlendri ferðaskrifstofu en með í för er ykkar fararstjóri sem þýðir o.s.frv. 
 

1. október

Nú er um að gera að njóta síðasta dagsins í ró og friði og nota alla aðstöðu sem boðið er upp á. 

2. október 

Eftir morgunverð verða farþega sóttir og keyrt verður upp á flugvöll. Flug til Íslands kl 11:00-13:20.

 

 Innifalið í verði 

• Flug til Milano, 20 kg taska

• Gisting í átta nætur á Bisesti

• Morgunverður

• Akstur til og frá flugvelli

• Skoðunarferð til Verona 

• Skoðunarferð í kringum vatnið

• Íslensk fararstjórn

 

Ekki innifalið 

• Dagsferð til Feneyja

• Sigling til Limone

Lágmarksþátttaka er 20 manns og áskilur Gaman Ferðir sér rétt til að fella niður ferðina náist ekki sá fjöldi.

 

Kortalán/Netgíró/PEI

Kortalán Valitors,Netgíró og PEI gerir Gaman Ferðum kleift að bjóða korthöfum einfalda og örugga greiðsludreifingu við kaup á ferðum hjá okkur. Greiðsluskipting vegna ferðakaupa getur verið í 3 til 12 mánuði og eru vextir breytilegir. Hámarksheimildir miðast við úttektarheimild, skuldastöðu, aldur og viðskiptasögu korthafa. Hafðu samband í síma 560-2000 eða sendu póst á gaman@gaman.is ef þú hefur áhuga á því borga ferðina með kortaláni, Netgiró eða með PEI.  

Farangursheimild og sætisbókanir 

Innifalið í verði er ein 20 kg taska.  Hver gestur má hafa með sér eina tösku í handfarangri, þó ekki stærri en 42x32x25 cm. Auk þess má hafa meðferðis fríhafnarpoka. Ekki er leyfilegt að hafa vökva í handfarangri. Hámarksþyngd handfarangurs er 10 kg. EF farþegar vilja bóka sæti fyrirfram þarf að greiða aukalega fyrir þau, samkvæmt verðskrá WOW air

 

Hotel Bisesti

Corso Italia, 34, 37016 Garda VR, Italy, Garda
Accommodation Introduction goes here
Frá 189.900 kr. á mann

Gaman Ferðir bjóða upp á  8 daga ferð við Gardavatnið gist er á góðu hóteli með morgunverði.  Hótelið er steinsnar frá miðbænum. Hótelið er með stórum sundlaugagarði. Garda þykir einn líflegasti bærinn við vatnið alltaf eitthvað um að vera, dúndrandi tónlist, jazz, ljúfar ítalskar ballöður og flott danstónlist. Góðar og ódýrar verslanir eru á hverju strái í bænum.

Bókaðu núna til að tryggja besta verðið

Aðrir áhugaverðir kostir