Yfirlit

Gardavatnið 

1.-9. október


Verð á mann er 189.900 kr. 

Aukagjald fyrir einbýli er 45.000 kr. 

 
 
Fáir staðir á Ítalíu hafa notið jafn mikilla vinsælda og Gardavatnið, sem er talið eitt fegursta stöðuvatn landsins.  Náttúrufegurðin við Garda er engu lík og það er yndislegt að dvelja á þessum stað og allir koma endurnærðir til baka. Gaman Ferðir bjóða upp á átta nátta ferð í líflega bænum Sirmione. Í þessari ferð verður siglt til bæjarins Limone, ekið um Gardavatnið og stoppað í hinum ýmsu smábæjum. Boðið verður upp á að fara í dagsferð til Feneyja og Verona. Léttar gönguferðir og að sjálfsögðu er frjáls tími til þess að njóta lífsins og horfa á iðandi mannlífið í líflegum bænum Sirmione.
Þessi ferð er mjög vinsæl og selst fljótt upp!

1. október 

Flogði til Milano kl 07:00 -13:20. Við komu bíður okkar rúta sem ekur farþegum til Sirmione, þessi akstur tekur 2 klst með stuttu stoppi á leiðinni. 
 

2. október

Þessi dagur er tekinn með ró og eftir morgunverð er farið í vettvangskönnun og bærinn skoðaður og nánasta umhverfi gerð góð skil. 
 

3. október

Eftir morgunverð er farið í dásamlega siglingu til litla bæjarins Limone sem á sér merkilega sögu. Þar er dvalið í þrjár klukkustundir og kynnst ræktun sítrónunnar og einnig heimsækja farþegar litla og fræga matarolíu verksmiðju og gefst kostur á að smakka á framleiðslunni. Þessi ferð tekur 7 til 8 klukkustundir. 
 

4. október

Farið er ferð til hinnar óviðjafnanlegu borgar Verona. Fyrst er ekinn sveitavegur upp að stórmerkilegum stað í fjöllunum þar sem áheitakirkja hefur verið höggvin inn í fjallið, sjón er sögu ríkari. Í Veróna er dvalið í 5-6 tíma og það markverðasta skoðað. Farið verður á slóðir Rómeó og Júlíu. Einnig kynnumst Dante Aligheri skáldi, Við skoðum markverðustu leifar forn Rómverja og borgríkisins Veróna, sem var stórauðugt og síðan er gengið um í þessari glæsilegu miðborg með marmara göngugötum. Heimsækjum hringleikahúsið heimsfræga ARENA. 

 

5. október

Hvernig væri að skella sér fyrir þá sem þess óska, heils dags ferð til Feneyja. Drottningin við Adríahafið er ein af þeim borgum, sem allir verða einhvern tímann að heimsækja, það er upplifun að sjá hina fölnuðu frægð einhvers mesta sjóveldis í heimi og sjá hallirnar, kirkjurnar, brýrnar, heyra söguna, upplifa Markúsartorgið, á Harry´s bar þar sem Hemingway vandi komur sínar.  Fara á gondól, kynnast kaupmanninum í Feneyjum o.fl. spennandi.  Þessi ferð er farin með þarlendri ferðaskrifstofu en með í för er ykkar fararstjóri sem þýðir o.s.frv. 
 

6. október

Nú er farin heils dags ferð í kringum vatnið, alveg óviðjafanleg ferð og stoppað í nokkrum bæjum m.a. Riva, Salo og svo eftir hvernig tíminn vinnst. Þetta er engu líkt.  
 

7. október

Frjáls dagur en boðið upp á ferð til Desanzano og við heimsækjum hin frægu torg Piazza Malvezzi and Piazza Matteotti, og njótum þess að labba um og njóta fegurðar og lífsins. 
 

8. október

Nú er um að gera að njóta síðasta dagsins í ró og friði og nota alla aðstöðu sem boðið er upp á. 
 

9. október 

Eftir morgunverð verða farþega sóttir og keyrt verður upp á flugvöll. Flug til Íslands kl 11:00-13:20.
 

Innifalið í verði

Flug til Milano, 20 kg taska
Gisting í átta nætur á Blu Lake Sirmione 
Morgunverður
Akstur til og frá flugvelli
Skoðunarferð til Verona 
Skoðunarferð í kringum vatnið
Íslensk fararstjórn

 

Ekki innifalið 

Dagsferð til Feneyja
Sigling til Limone
 
 
Lágmarksþátttaka er 20 manns og áskilur Gaman Ferðir sér rétt til að fella niður ferðina náist ekki sá fjöldi.
 

Kortalán/Netgíró/PEI

Kortalán Valitors,Netgíró og PEI gerir Gaman Ferðum kleift að bjóða korthöfum einfalda og örugga greiðsludreifingu við kaup á ferðum hjá okkur. Greiðsluskipting vegna ferðakaupa getur verið í 3 til 12 mánuði og eru vextir breytilegir. Hámarksheimildir miðast við úttektarheimild, skuldastöðu, aldur og viðskiptasögu korthafa. Hafðu samband í síma 560-2000 eða sendu póst á gaman@gaman.is ef þú hefur áhuga á því borga ferðina með kortaláni, Netgiró eða með PEI.  
 

Farangursheimild og sætisbókanir 

Innifalið í verði er ein 20 kg taska.  Hver gestur má hafa með sér eina tösku í handfarangri, þó ekki stærri en 42x32x25 cm. Auk þess má hafa meðferðis fríhafnarpoka. Ekki er leyfilegt að hafa vökva í handfarangri. Hámarksþyngd handfarangurs er 10 kg. EF farþegar vilja bóka sæti fyrirfram þarf að greiða aukalega fyrir þau, samkvæmt verðskrá WOW air.
 

Hotel Blu Lake Sirmione

Viale Guglielmo Marconi, 31, 25019 Sirmione BS, Italy, Garda
Frá 189.900 kr. á mann

Gaman Ferðir bjóða upp á viku dvöl í bænum Sirmione sem er af flestum talinn einn fallegasti bærinn við vatnið. Lega bæjarins á tanganum sem skagar út í vatnið er stórkostleg. Í Sirmione eru einhverjar merkustu fornminjar frá tímum rómverja við vatnið og þó víðar væri leitað. Maria Callas ópersöngkonan heimsfræga elskaði Sirmione og keypti fallega Villu þar.

Bókaðu núna til að tryggja besta verðið

Aðrir áhugaverðir kostir