Royal Seginus er 5 stjörnu lúxus fjölskylduhótel. Hótelið, sem opnaði í maí 2017, er sannkölluð paradís fyrir þá sem það heimsækja og frábær viðbót við Lara svæðið. Hér er nóg að gera fyrir alla, unga sem aldna.
 
Herbergin eru 64m2 og eru því einstaklega rúmgóð og þau taka mest 3 fullorðna og 1 barn frá 0-9 ára. Herbergin eru smekklega innréttuð með stóru baðherbergi og stórum fataskáp/fataherbergi.
 
Hótelgarðurinn er stór og fallegur, þar má finna þónokkrar sundlaugar og þar á meðal eru 5 vatnsrennibrautir fyrir 7 ára og eldri og 3 fyrir 15 ára og yngri, rennibrautirnar eru opnar frá 10 - 12 og 14:30 - 17:30. Það eru 2 barnalaugar, önnur með vatnsrennibrautunum, einnig er leiksvæði fyrir börn.
 
Á hótelinu er barnaklúbbur fyrir 4 - 12 ára, opinn frá 10-12 og 14:30 - 17:00. Það er alltaf líf og fjör í barnaklúbbnum og nóg um að vera. Á kvöldin er svo alltaf mini diskó í boði fyrir yngstu kynslóðina. Frábært lítið tívolí er á hótelinu sem er opið frá 15 - 17 og 19 - 21 en þar má finna skemmtileg tæki, svo sem klessubíla, parísarhjól, gondóla, hringekju og fleira. Algjör paradís fyrir börn og gestum að kostnaðarlausu. 
 
Heilsulindin á hótelinu er hin glæsilegasta og er meðal annars hægt að komast í tyrkneskt bað, gufubað og hvíldarherbergi, gegn vægu gjaldi er svo hægt að komast í alls kyns líkamsmeðferðir og nudd.
 
Aðalmatsalur hótelsins býður upp á einkar veglegt hlaðborð með tyrknesku og alþjóðlegu ívafi. Einnig er svokallað bistró, bakarí og snakkbar á hótelinu. Fyrir gjald, 10 evrur á mann, er svo hægt að borða kvöldverð á einhverjum af a la carte veitingastöðunum sem eru á hótelinu, en það sem er í boði er meðal annars, steikhús, ítalskur staður, tyrkneskur staður, sjávarréttastaður, mexíkóskur staður og sushi staður.
 
Einskaströnd hótelsins er í 250 metra fjarlægð frá hótelinu. Rútuferðir fara fram og tilbaka að ströndinni, þar eru sólbekkir, strandbar og bryggja með sólbaðsaðstöðu. 
 
Mikið er um að vera á hótelinu, skemmtidagskrá í gangi allan daginn þar sem mikið er í boði eins og sundleikfimi, vatnapóló,borðtennis, boccia, stradblak, pílukast og fleira. Á kvöldin heldur skemmtunin áfram með skemmtiatriðum, sýningum og leikjum. Eftir skemmtidagskrána tekur svo næturklúbburinn við en hann er opinn til 2:30. 
 
Það verður enginn svikinn af Royal Seginus.
 
 
 

 

Bókaðu núna til að tryggja besta verðið

Keflavík

Antalya




Herbergi 1



Herbergi 2


Herbergi 3


Bókaðu núna til að tryggja besta verðið

Aðrir áhugaverðir kostir